Saturday, 24 February 2018

ഒരിടം

ഒറ്റരാത്രിയാൽ പോലും
ഓരിടം ചെമക്കുന്നു
ഓരിയിട്ടാരാധിക്കും
പട്ടികൾ പിണങ്ങുന്നു

ഓടുന്ന വഴിക്കെല്ലാം
ഓക്കാനം മണക്കുന്നു
കാണുന്ന കല്ലിന്മേലെ
കാൽപൊക്കിയൊഴിക്കുന്നു

പഞ്ചാംഗം കുറിക്കുന്ന
കൈകളിൽ കടും‌ചോര
കാട്ടുതീയണയ്ക്കുന്ന
കാവലാൾ കൊടും‌നിദ്ര

ഭൂമിക്കു ഗർഭം താങ്ങാൻ
പട്ടട വിരിക്കുന്നു
പശിക്കു പരാശക്തി
പാദുകം ചുമക്കുന്നു

[Feb 2018]


No comments:

മൗനവ്രതം

  മൗനവ്രതം   (നാരായണസ്വാമി)   പണ്ടന്നേ വായ്തുറന്നു രണ്ടക്ഷരമില്ല രണ്ടുവാക്കിൻമീതെയൊരു വർത്തമാനമില്ല തൊണ്ടയ്ക്കുള്ളിൽ തൂങ്ങിന...