കടൽമീൻ

കടലിന്റെ മക്കൾക്കു കണ്ണീരുണ്ടേ

ചോര നീരാക്കിയും

കരൾ പിഴിഞ്ഞിറ്റിച്ചും

കടലിന്റെ മക്കൾക്കും കണ്ണീരുണ്ടേ

കടലിലെ മീനിന്റെ കണ്ണീരല്ലേ

തലതല്ലിച്ചിതറുന്ന തിരകളല്ലേ

ഉപ്പും മധുരവും

കയ്പ്പും കാന്താരിയും

കൂട്ടിനില്ലാക്കരിക്കാടിയല്ലേ

മാനം ചുരത്തുന്ന പന്നീരല്ലേ

തേവാൻ കൊതിക്കുന്ന തണ്ണീരല്ലേ

തീയിൽ കുരുത്തിട്ടും

വെയിലത്തുണങ്ങീട്ടും

വേവാതിരിക്കുന്ന വെണ്ണീറല്ലേ

നീരാട്ടുപാട്ടിന്റെ ചേലിലല്ലേ

താരാട്ടുപാട്ടിൻ മയക്കമല്ലേ

പ്രാണൻ പിടഞ്ഞാലും

ജീവൻ വെടിഞ്ഞാലും

 കണ്ണോക്കുപാട്ടിലെ തേങ്ങലല്ലേ